Tura

Ay aro suntusto ho Tura thiki. Idâ West Garo Hillslâ mâthây jaga, hutu-mutu ca khawa jaga bhora, dokan bhora aro gotay Garo Hillsni bek câyâ bhala khawanjagaglâ ase. Turarâ hutusâ town aro ghuribâge cohos. Otoni hujâw ba theng diyâ nimuksimukke towndâ beraw aro pote-ghate besabaglâ mathani tamreya new. Idâ Tura paharla gorni ujân digike aro Ranggirâ paharla nebrala-bhati digike ase. Turarâ gas diyâ dhaka.

Turani apbatas

Turalâ apbatasja bisi totaw nahoy bisi jaro nahoy. Turani bosorra cârtâ bhag ase. Phebruwâri thiki March masja, jaro nây totaw nây, April thiki Jun masja tota hoba dhore. Julây thiki Septembor masja bârsâ hoba dhore aro dindâ gâdlâ. Jarkalirâ Disembor thiki Januwâri pâyâ hoy aro jar puri.

Turalâ hogol bholayla apbatasja 27°C thiki 30°C -lâ bhiturni thake, tota din bhola, bisi totara 32°C aro 35°C -lâ bhiturni uthi. Aro 15°C thiki 20°C -lâ bhiturni hoy, jarkali bhola, Januwâri masja bek câyâ jar, (10°C -lâ tolni name).

 

Turani Internet
Turani internet diyâ kam kuribâge kom lâyin aro aste cole aro hogol bholay netha beden internet bhala pawaglâge bhala nalagibo. Turani ghore-duwâre ba mobileni internet ase, te Turani internetla dokanglâ setragendake nây.

 

Turani kom puisâ diyâ bhalake kha

Turani bek dorla bhala-bhala khawan ase. Toy benk thiki teka nabârkâyke bhalake khaba cale, tola khawanra pabage âwâl-âwâl jagaglâ dumâl baniyâ ase. Townlâ pot kolaglâni bek câyâ bhala khawanjagaglâ bhora, hutui dangoy, paka diyâ bananiu ase saprake bananiu ase, jidâte toy tola mon khawa dorni kinibâ pay.

Turani Ingrâji kowa

Turalâ mânglâ Ingrâji kobage khob bhalake pay aro toy tola aha jagala bhasara najanilew, townni ba gotay Garo Hillsni caba bârâbâge cohos. Turalâ mânglâ jhiriyâ mujun Ingrâji diyâ hatapatike debagon rong pay ke toy janibo.

 

 

Turani bhara gâyrâ

Ela Turani bhara gâyrâ ase, kintu gâyrâ calabage Turarâ bhala nahoy. Potglâ cipâ aro lerpeta. Kintu rong cawa jagaglâ dur nahoy. Toy Tura potla niyâmglâ paliyâ mujun jale aro bhalake calale, toy hâcâykene khob bhalake bondodindâ rong hoba pabo. Turalâ adurni thaka bek câyâ bhala jagaglâ toy dhordhor-porporke caba tal pabo, adurni thaka cang-cang kowa jagaglâ bhay ja aro Tura aro Turalâ mânglâlâ jingiyâ thakara bhalakey câyâ jâniyâ new.

 

 

Agpata, <<< 1, >>> 2, >>> 3